Veikindi og innivera

Veikist barnið er æskilegt að það dvelji heima þar til það hefur verið hitalaust í 1-2 sólarhringa.

Eftir veikindi er hægt að óska eftir inniveru og er foreldrum bent á að snúa sér til viðkomandi deildarstjóra. Börn eru misjöfn, sum virðast taka allar umgangspestir sem ganga á meðan önnur virðast sleppa betur. Við reynum að koma til móts við mismunandi aðstæður barna og foreldra og leggja okkar að mörkum til að leysa úr málum á farsælan hátt fyrir alla aðila.

Þegar barn hefur verið veikt heima í einhverja daga getur verið heppilegt fyrir barnið að vera styttra úti en venjulega og er þá sjálfsagt að bjóða foreldrum upp á að barnið fari síðast út og komi fyrst inn.

Ekki er boðið upp á inniveru til að fyrirbyggja veikindi t.d. ef barn er með kvef eða hósta en hraust að öðru leyti.

Skilaboð um inniveru eða styttri útiveru þurfa að koma frá foreldrum sjálfum en ekki barninu.

© 2016 - 2021 Karellen